أهم الاسئلة المتعلقة بالتقديم الالكتروني للجامعات السودانية الحكومية والخاصة 2025
🎓✨ كل ما تحتاج تعرفه عن القبول العام في السودان ✨🎓
⁉️ شنو هو القبول العام؟
هو القبول الأول في الجامعات
📚 بيشمل:
بكالوريوس
دبلوم
في الجامعات الحكومية والخاصة.
⁉️ هل في استمارة واحدة؟
✅ نعم، نفس الاستمارة.
تقدر تعمل خليط من رغبات (حكومية + خاصة + بكالوريوس + دبلوم).
⁉️ شروط القبول العام:
📄 شهادة سودانية جديدة لعام 2024 فقط.
⁉️ الشهادة القديمة متين تقدم؟
🎯 في تقديم الشواغر (بكالوريوس ودبلوم خاصة – أو دبلوم حكومي فقط).
⁉️ طريقة التقديم:
1️⃣ تسحب استمارة من البنك 🏦
2️⃣ تدخل الموقع الرسمي:
👉 https://admission.gov.sd
3️⃣ تملا البيانات وتختار رغباتك
4️⃣ تأكد التقديم واحتفظ بالاستمارة ✅
💡 لو الموقع ما فتح، جرّب متصفح تاني واتأكد الشبكة قوية.
⁉️ تقدر تقدم بالموبايل؟
📱 أكيد!
رتب رغباتك في ورقة وخش الموقع خطوة بخطوة.
🎥 قريب حنزل فيديو توضيحي للمساعدة.
⁉️ لو ما عايز تقدم براك؟
ممكن تقدم عبر مكاتب التقديم (أوفلاين أو أونلاين) برسوم رمزية 💰
وبيتابعوك خطوة بخطوة وبيسلموك نسخة PDF مطبوعة.
⚠️ نصيحة مهمة:
قبل التقديم، راجع الرسوم الدراسية في الدليل كويس!
عشان في ناس بقدمو قبل ما يشوفوا التكلفة 😅
⁉️ لو نسيت رغبة أو غلطت؟
من البداية ركّز 🙃
التعديل بعد التقديم صعب جدًا.
⁉️ كيف بيتم القبول؟
القبول حسب ترتيب رغباتك:
🎯 أول رغبة → لو نسبتك دخلتها بقبلوك فيها.
ما دخلتها؟ بمشو للرغبة البعدها وهكذا.
⁉️ لو ما نافست في كل الرغبات؟
❌ النتيجة: غير مقبول (استنفاد رغبات)
وتنتظر التقديم في الشواغر.
⁉️ هل النسب في الدليل ثابتة؟
🚫 لا، دي نسب السنة الفاتت فقط.
ممكن تزيد أو تنقص حسب المنافسة.
📊 مثال:
كلية كانت 70% ممكن تكون 69% أو 71%.
⁉️ أقدر أقدم أعلى أو أقل من نسبتي؟
✅ نعم ممكن،
لكن خت رغبات كتيرة قريبة أو أقل من نسبتك عشان تزيد فرصك.
⁉️ لو راسب مادة؟
❌ ما بتقدم بكالوريوس،
بتقدر تقدم دبلوم فقط.
⁉️ بعد القبول العام شنو؟
1️⃣ القبول الخاص الحكومي (على النفقة الخاصة)
2️⃣ أبناء العاملين (بنصف أو ربع الرسوم 💰)
⁉️ بعدهم شنو؟
🎯 منح الجامعات الخاصة (نسب عالية + منافسة قوية).
🎯 بعدين تقديم الشواغر (للشهادات القديمة والجديدة حسب الحالة).
⁉️ شواغر القبول العام:
للمقاعد الفاضية في الجامعات الحكومية 🏫
📄 للطلاب الحاصلين على شهادة جديدة فقط.
⚠️ ما بتقدر تقدم فيه لو انت مقبول أساسًا في القبول العام.
📚 المصدر الرسمي:
وزارة التعليم العالي والبحث العلمي
الإدارة العامة للقبول وتقويم وتوثيق الشهادات
ما كان معمول بيه في الأعوام السابقة
🎓 بالتوفيق للجميع إن شاء الله 💙
وما تنسوا ترتبوا رغباتكم كويس وتراجعوا النسب والرسوم قبل التقديم ✅
تعليقات
إرسال تعليق